مش ممكن - العدد 3

مش ممكن أشوف راجل أو ست أو طفل صغير مش عارف يعدِّي الشارع وأسيبه وأمشي!
مش ممكن أشوف أذى مرمِي في الطريق وما أحاولش أبعده! مش ممكن أطالب بحقي وأنا أعتدي على حُقوق الآخرين!
مش ممكن أغضب لإهانة ديني ورسولي، وأعتدي على الضابط والعسكري ابن بلدي، وأخالف أمر ربي ورسولي! مش ممكن أزعج جيراني!
مش ممكن أخون الأمانة أو أفشي سرًّا اؤتُمِنْتُ عليه!
مش ممكن أغتاب أو أنم أو أتكلم على حد من ورا ظهره!
مش ممكن أفرط في صحتي علشان خاطر سيجارة أو غيره!
مش ممكن أستكبر على أي حد أقل مني؛ لأنه أكيد أكثر مني في حاجات تانية، بس أنا مش عارفها!
مش ممكن أصرف فلوسي في أي شيء يغضب ربنا!
مش ممكن أضيع وقتي في تفاهات!
مش ممكن أعمل أي حاجة من غير ما أحرص على الإتقان والإحسان!
مش ممكن أزوغ من المدرسة أو الجامعة!
مش ممكن أسيء الظنَّ بأي شخص!
مش ممكن أقطع الطابور أو ما التزمش بالنظام!
مش ممكن أغضب من ابتلاء ربنا أيًّـا كان!
مش ممكن آخر الليل أحط راسي وأنام وأنا زعلان من حد أو مزعل حد!
مش ممكن أقعد على النت طول النهار، وأفتح المصحف من رمضان لرمضان!
مش ممكن أعيش اليوم بيومه، وأنسى يوم الآخرة ويوم الحساب!
مش ممكن أكسر إشارة مرور!
مش ممكن يكون ديني الإسلام ورسولي محمد - صلى الله عليه وسلم - وأنا أخلاقي بعيدة عن أخلاق الإسلام!
مش ممكن أركب في المواصلات وألاقي كرسي أقعد فيه وأتفرج على العواجيزوالحوامل واقفين جنبي وما اتنازلش عن مكاني ليهم!
مش ممكن أرمي زبالة في الشارع!
مش ممكن أرفع صوتي على أهلي في البيت أو مدرسيني في المدرسة أو الجامعة!
مش ممكن ييجي وقت الصلاة وأطنش، وأقول لما أروَّح لحسن أنا مش متوضئ!
مش ممكن يكون عندي صديق في وَرطة وأقف أتفرج عليه من غير ما أعرض مساعدتي!
مش ممكن أرد على حد شتمني غير بكلمة ربنا يسامحك!

رأيك في الموضوع

تأكد من ادخال المعلومات في المناطق المشار إليها ب(*) . علامات HTML غير مسموحة

عد إلى الأعلى

تابعونا