إحنا بنشتري راجل - العدد 7

الزواج في مصر قصة طويلة ومِكَعبلة أوي... بدايةً من "إحنا بنشتري راجل!"، لحد ما يبيع ويشتري في الراجل ويقوله: "امضيلي على القائمة ديه"... ومن أول "إحنا عايزنها بهدومها"... لحد الخناقة على مُلَل السرير وشفاط المطبخ. هجيب من الآخر ومش هستعرض "البهرجة" و"الفشخرة" والعادات اللي ملهاش لازمة، اللي بتحصل في زيجات اليومين دول لأنكم أدرى مني بيها، ولكن هنوجه نصائح على السريع لكل واحد وواحدة على وش زواج. بس قبل ما ننصح العريس والعروسة، عايزين نوجه نصيحة لوالدنا ووالدتنا... ألف مبروك أولًا بمناسبة أن الأولاد كبروا وبقوا على وش زواج، وعقبال ما نشيل أحفاد أحفادكم، كنت عايز بس ألفت نظركم أن الزواج مشروع تكوين أسرة، يعني أهم حاجة الشخص اللي هيعيش مع بنتك أو ابنك، مُقدِّر شعوركم إنكم عايزين تزوجوهم أحسن زواج، وتجيبوا لهم أحسن فرش وأجهزة، لكن الحاجات دي مش هتفيد لما تشوفهم متكدرين، فبلاش نخسر ناس كويسة علشان شوية خشب أو أجهزة أو شروط عجيبة، زيجات كتير فشلت للأسف لما بصينا لها على أنها "صفقة"، لدرجة أنه يُقال "هي فلانة اتجوزت بكام؟! "، ومفيش أحسن من معيار الرسول - عليه الصلاة والسلام - في الاختيار، قال: «إذا جاءكم من ترضون دينه وخلقه؛ فزوجوه، إلا تفعلوه؛ تكن فتنة في الأرض وفساد عريض» [رواه الترمذي وحسنه الألباني]. النصيحة التانية بأه... طول ما انت بتعمل الصح إوعى يهمك كلام الناس ومنظرك والكلام ده، يعني يا ريت تنسى خالص جملة "الناس هيقولوا علينا إيه؟!"، و"نجيب لها زي بنت خالتها"؛ علشان صدقني الناس مش هترضى عنك، حتى لو عملت لهم المستحيل، وكده كده "هَيْفَطَّسُوا" في الجوازة على قد ما يقدروا، فتوكل على الله، وجيب من الآخر واعمل الصح، وارمي كلام الناس ورا ضهرك، وهفكرك بالأثر القائل: «لا تكن كالإمعة؛ إن أحسن الناس أحسنت، وإن أساؤوا أسأت، ولكن وطِّنوا أنفسكم، إن أحسن الناس أن تحسنوا، وإن أساؤوا ألا تظلموا». جينا بأه لنصيحة العروسة... أولا: مبروك يا عروسة، حتى لو مش مخطوبة لسه! ثانيًا: يا ريت تغيَّري نظرتك للزواج خالص، بلاش نظرية "ظل راجل ولا ظل حيطة" اللي بوَّظت الدنيا ديه، للأسف بنات كتير بتقبل بأي حد والسلام؛ علشان متبقاش هي اللي "عنّست" وسط صاحباتها، وللأسف نظرتها الضيقة ديه كأنها بتُصدِر في حق نفسها حُكم بالإعدام، الزواج عِشرة عمر، بيت وأولاد وحياة، الناس اللي انتي عاملة حسابهم دلوقتي ممكن ميكونوش في حياتك أصلا بعد 10 سنين، فيا ريت توسعي رؤيتك للموضوع". حاولي تتبّسّطي وانتي بتشتري جهازك وعفش بيتك، بلاش "العشروميت" طقم اللي في المطبخ اللي بيتركنوا في الآخر ويلموا تراب وبس! حاولوا كمان تخففوا من العفش اللي بيعمل زحمة على الفاضي في البيت، وعلى فكرة ديه مش دعوة للبخل، ديه دعوة للبساطة. المهم ابعدي عن التكلف قدر الإمكان، أما بخصوص الفرح؛ فمِش لازم يتعمل في الفندق الفلاني اللي بـ 30 و50 ألف، انتوا لسه بادئين حياتكم وأولى بالفلوس ديه. ممكن نعمل فرح في مكان متواضع، وكويس أو توفروا الفلوس ديه وجربوا تقضوا أسبوع في سفرية جميلة وتعيشوا يومين زي الفل. وبصراحة كده أغلب اللي هيحضر الفرح بيقعد برده "يفَطَّس" فيه قدر الإمكان "شوفتي كانت لابسة ايه؟!"، "شوفتي الأكل وحش إزاي؟!"... وكلام من ده، وإحنا جايين نهدي النفوس!! أما بأه الباشا العريس... فمبروك برضه، وربنا يعينك على المسؤولية الكبيرة. خلاص بأه انسى "السنكحة" في الشوارع، وركز في اللي جاي. أنت بتختار شريكة حياة، مش مجرد واحدة هتقضي معاها أيام حلوة في كلام حب وخروجات والسلام! زي ما انت مش كامل، مفيش بنت كاملة، ومش هتلاقي الجمال، والأخلاق، والدين، والنسب، والمال، وخفة الروح، وجميع المواصفات المنشودة في إنسانة واحدة؛ علشان مفيش إنسان كامل. أهم حاجة هفكرك بيها وصية نبينا محمد - صلى الله عليه وسلم -: «فاظفر بذات الدين؛ ترِبَتْ يداك» [رواه البخاري]. نهايته... موضوع الزواج في مجتمعنا مشكلته في "التكلُّف"، لدرجة إن احنا بقينا عاملين زي بني إسرائيل، كانوا بيصعبوا على نفسهم في السؤال عن البقرة، وربنا يصعب عليهم أكتر! خليك بسيط... وربنا يتم على خير.

5 تعليقات

  • VladimirHeh

    Hey everyone! Recently I have been struggling with a lot of personal issues. Friends and doctors keep telling me I should consider taking pills, so I may as well source and see how it goes. Problem is, I haven't taken it for a while, and don't wanna get back to it, we'll see how it goes.

    تبليغ
    أرفق VladimirHeh الخميس، 14 أيلول/سبتمبر 2017 04:25 تعليق
  • VladimirGmn

    Hello everybody! Lately I have been dealing with a lot of hardships. Friends and doctors keep telling me I should consider taking meds, so I may as well [url=http://www.disneyrollergirl.net/thin/buying-adipex-online]source[/url] and see how it goes. Problem is, I haven't taken it for a while, and don't wanna get back to it, we'll see how it goes.

    تبليغ
    أرفق VladimirGmn الخميس، 14 أيلول/سبتمبر 2017 00:52 تعليق
  • Carolyndasia

    Absolutely NEW update of SEO/SMM package "XRumer 16.0 + XEvil":
    captcha recognition of Google, Facebook, Bing, Hotmail, SolveMedia, Yandex,
    and more than 8400 another subtypes of captcha,
    with highest precision (80..100%) and highest speed (100 img per second).
    You can connect XEvil 3.0 to all most popular SEO/SMM programms: XRumer, GSA SER, ZennoPoster, Srapebox, Senuke, and more than 100 of other software.

    Interested? You can find a lot of impessive videos about XEvil in YouTube.
    You read it - then IT WORKS!
    See you later ;)


    XRumer201708

    تبليغ
    أرفق Carolyndasia الإثنين، 07 آب/أغسطس 2017 02:51 تعليق

رأيك في الموضوع

تأكد من ادخال المعلومات في المناطق المشار إليها ب(*) . علامات HTML غير مسموحة

عد إلى الأعلى

تابعونا